Leeds bëri surprizën në Premier League, teksa ndali në një barazim 2-2, Newcastle. Hap fals për këta të fundit, që janë në garë për tu kualifikuar në Champions League sezonin e ardhshëm dhe tani rrezikojnë shumë.
Sa i përket ndeshjes, Leeds e nisi shumë mirë, teksa kaloi në avantazh me Ayling në minutën e 7-të dhe në minutën e 28-të, fituan penallti, por që u humb nga Bamford.
Në minutën e 31, ishte Newcastle që fitoi penallti dhe Ëilson, i cili nuk gaboi, duke vendosur baraspeshën. Ishte i njëjti autor, i cili përsëri me penallti, përmbysi rezultatin në minutën e 69-të.
Vendasit nuk u dorëzuan dhe 10 minuta më vonë, vendosën baraspeshën me Kristensen. Leeds e mbylli ndeshjen me 10 lojtarë, pasi Firmo u ndëshkua me karton të kuq.
Me këtë barazim, Newcastle mban vendin e tretë me 66 pikë, 3 më shumë se ndjekësit e Manchester United dhe 4 më shumë se Liverpool i vendit të pestë, ndërsa Leeds vazhdon luftën për mbijetesë, teksa mban vendin e 18-të me 31 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
