Enur Totre, është lojtari më i ri i Shkëndijës. Mesfushori është larguar nga ukrainasit e Vorskla, tek të cilët u transferua në verë nga skuadra e Tiranës.
Shkëndija ka njoftuar afrimin e 26-vjeçarit në formën e huazimit për gjysmën e mbetur të sezonit.
Ky është një rikthim për Totren te tetovarët, me të cilët luajti deri në vitin 2021.
Në fjalët e para, Totre u shfaq shumë i lumtur, duke thënë se Shkëndija ka një vend të veçatë në zemrën e tij.
Është ndjenjë shumë e bukur sërish të kthehem në shtëpi, në klubin ku u rrita dhe u afirmova si futbollist. Shkëndija ka vend të veçantë në jetën time dhe jam shumë i lumtur që sërish do të mund të kontribuoj për këtë fanellë. Falënderoj klubin për këtë mundësi dhe shpresoj që bashkërisht të realizojmë objektivat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
