Mesfushori Carlos Soler vijon të jetë një ndër favoritët për të lënë ‘’ Mestallan ‘’ në verën e 2023-shit.
Spanjolli ende nuk ka arritur një akord me Valencian për zgjatjen e kontratës dhe ia bën më të lehtë ekipeve të interesuara për ta larguar nga bardhezinjtë .
Atletico Madridi po e analizon me kujdes ecurinë e 25 vjeçarit dhe tundohet nga opsioni i firmosjes me parametër zero me talentin e ‘’ Los Che ‘’.
Carlos Soler prej vitesh konsiderohet një ndër më të mirët e Valencias por Diego Simeones i duhet patjetër një zëvëndësues për Hector Herreran apo ndoshta edhe Saul Niguezin i cili nuk e ka të sigurtë të ardhmen tek kryeqytetasit.
Momentalisht Carlos Soler po spikat në La Liga dhe drejtuesit e ‘’ Los Rojiblancos ‘’ synojnë përsëri rikthimin tek suksesi me afrimin e lojtarëve cilësorë që do të bëhen pjesë e skemave të ‘’ El Cholos ‘’.
Si në çdo sezon, të besuarit e argjentinasit e fillojnë si pretendentë për fitimin e trofeve të rëndësishëm por fakteqësisht nuk kanë mundur ta arrijnë objektivin .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
