Pas largimit nga Atletico Madridi, e ardhmja e Memphis Depay ende nuk është zgjidhur.
Disa klube në Major League Soccer i kanë trokitur në derë hollandezit, ndër të cilat spikat Red Bull New York.
Mirëpo pretendimi i 30 vjeçarit mund ta ndërlikojë arritjen e marrëveshjes.
Sipas lajmeve të fundit, golashënuesi synon të përfitojë 30 milionë dollarë për dy sezone dhe kjo shifër thekson një sfidë për klubet në Amerikë.
Megjithatë, eksperienca e akumuluar në kontinentin e vjetër, në skuadra elite si përshembull Atletico Madridi dhe Barcelona jep një lloj sigurie dhe ndoshta mund të vendosë për ta filluar një të re në një ligë e cila ka fituar shumë terren sidomos në vitet e fundit.
Gjithçka do të varet nga përgjigjja e drejtuesve respektive për këtë sulmues, i cili në sezonin e shkuar i ndihmoi ‘’ Los Rojiblancos ‘’ në 9 gola në 31 sfida.
Memphis Depay ishte titullar në Europian me kombëtaren e ‘’ Tulipanëve ‘’, i cili në të kaluarën u aktivizua edhe me Manchester United, Lyonin dhe Psv Eindhovenin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
