Zërat për rikthimin e Cristiano Ronaldos tek Sportingu Lisbonës janë shuar orët e fundit . Kur u duk se portugezi do të bënte gati valixhet për në ‘’ Jose Alvalade ‘’ me kërkesën e mamasë së tij , agjenti i 36 vjeçarit Jorge Mendez e ka hedhur poshtë këtë hipotezë duke deklaruar se momentalisht ‘’ Cr 7 ‘’ nuk e mendon një gjë të tillë . Fitimi i titullit nga skuadra e zemrës krijoi përshtypjen se do të ishte një motiv për Cristiano Ronaldon por 5 herë fituesi i Topit të Artë nuk preferon të ngutet sepse konsideron se i mbeten edhe disa vite në nivele të larta .
Me këtë sukses Sportingu Lisbonës hapi një tjetër kapitull në ligën Nos i duke i dhuruar një kënaqësi të paparshkrueshme tifozerinë . Për këtë ngjarje historike nuk munguan fjalët e Jorge Mendez i cili për të famshmen ‘’ Record ‘’ nuk e fshehu gëzimin e Cristiano Ronaldos dhe u shpreh për të ardhmen që e pret :
“ Ai është shumë i lumtur që Sportingu u shpall kampion . Ishte një ditë që e priste prej kohësh dhe e meriton plotësisht këtë kënaqësi . Në lidhje me zërat e fundit për rikthimin në Portugali është ende herët sepse beson se i mbeten edhe disa vite në nivele të larta “ , theksoi Jorge Mendes.
Edhe pse sezoni nuk e ka shoqëruar Juventusin drejt fitimit të titullit kampion në Serinë A dhe sidomos ngecjes për të disatën herë në Champions League , Cristiano Ronaldo është lider absolut si golashënues i Scudettos . Aktualisht ‘’ Zonja e Vjetër ‘’ rrezikon shumë për pjesmarrjen në Champions League dhe sot duhet të tregojnë dhëmbët në ‘’ Allianz Stadium ‘’ ku presin kampionët e Interit .
Bardhezinjtë do të bëjnë edhe një sforco të fundit për ta arritur objektivin dhe të justifikojnë sezonin e ndërlikuar . Kjo situatë nuk ka ndikuar aspak tek luzitani në aspektin individual sepse vazhdon të shënojë bindshëm dhe numëron 35 gola në 42 takime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
