Shqipëria U-19, barazoi me rezultatin 2-2 ndaj moshatarëve të Maltës, në miqësoren e dytë brenda pak ditëve.
Kuqezinjtë kaluan të parët në avantazh, teksa në minutën e 18-të, ishte Frederik Toskun, që zhbllokoi sfidën.
Në pjesën e dytë, Malta barazoi rezultatin në të 75-ën. Shqipëria sërish gjeti forcë të reagonte dhe mori avantazhin në të 89-ën me Olsi Myrtan.
Kur gjithçka po shkonte drejt fundit, Malta U-19 barazoi në minutat shtesë (90+7) dhe sfida përfundoi në barazim 2-2.
Dy sfidat miqësore me Maltën U-19 mbyllen me një fitore dhe një barazim për Kombëtaren U-19.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
