Dëmtimi në sezonin e kaluar i ka shkaktuar shumë pakënaqësi anësorit Ferland Mendy . Francezi nuk ka arritur të debutojë në të tashmin por megjithatë nuk është harruar nga një pretendent i tij . Eshtë Juventusi skuadra që është futur në valle për 26 vjeçarin sepse Massimiliano Allegri ka mbetur i pakënaqur me funksionimin e krahut të majtë të mbrojtjes dhe e shikon Ferland Mendy-n si një opsion të përshtatshëm .
Kontrata me ‘’ Galaktikët ‘’ përfundon në 2025-sën dhe këta të fundit i kanë përcaktuar klauzolën e prishjes së saj e cila arrin 50 milionë eurot.
Rikthimi i trainerit italian në Torino ka ringjallur shpresat se gjithçka mund të ndryshojë për Juventusin gjatë këtij sezoni por nxënësit e tij do të kenë detyrën e vështirë sepse do ti duhet të ulin nga froni Interin por pa Cristiano Ronaldon i cili po shijon një eksperiencë të dytë në magjikun ‘’ Old Trafford ‘’.
Një aspekt që mund ta favorizojë ‘’ Zonjën e Vjetër ‘’ në këtë operacion është se tek ‘’ Los Blancos ‘’ kanë filluar të qarkullojnë zërat për një largim të mundshëm të ishi-t të Lyonit dhe bardhezinjtë e shikojnë si një shans që s’duhet humbur gjatë merkatos vijuese .
Figura e këtij traineri në stolin e bardhezinvje patjetër që konceptohet si një sinjal për zikaltërit e Interit se nuk do ta kenë aspak të lehtë të mbrojnë titullin e 19-të të fituar me meritë sepse e shkuara i favorizon ndjeshëm juventinët që e dominuan Scudetton për 9 vite radhazi por fatkeqësisht i kanë shpërdoruar shanset në Uefa Champions League me dy finale të humbura kundër Real Madridit dhe Barcelonës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
