Që kur udhëhoqi Francën drejt lavdisë në Kupën e Botës 2018, Kylian Mbappe është etiketuar si pasardhësi përfundimtar i Lionel Messit dhe Cristiano Ronaldos në fushë.
Megjithatë, jashtë fushës, askush nuk priste që francezi t'i kalonte të mëdhenjtë e futbollit me shpejtësinë që ka pasi 23-vjeçari u emërua nga Forbes si futbollisti më i paguar në botë.
Sipas Forbes, sulmuesi i Paris Saint-Germain do të fitojë rreth 128 milionë dollarë për sezonin 2022-2023 përpara tarifave të agjentëve, një rekord në renditjen vjetore të revistës.
Messi, 35 vjeç, zbret në vendin e dytë me,120 milionë dollarë, me Ronaldon e Manchester United, 37 vjeç, i treti me 100 milionë dollarë.
Për herë të parë në tetë vjet, as Messi dhe as Ronaldo nuk kryesojnë listën. Neymar i PSG-së dhe Brazilit (87 milionë dollarë) është i katërti, sulmuesi i Liverpoolit dhe Egjiptit, Mohamed Salah (53 milionë dollarë) i pesti, ndërsa Erling Haaland i Manchester City (39 milionë dollarë) debuton në top 10 në vendin e gjashtë.
Në total, 10 futbollistët më të paguar pritet të mbledhin fitime rekord me vlerë 652 milionë dollarë këtë sezon, 11% më shumë nga 585 milionë dollarë të vitit të kaluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
