U transferua në Serie B, Fabregas: Më ofruan aksione në klub dhe do më ndihmojnë të bëhem trajner

Mesfushori spanjoll, Cesc Fabregas, i surprizoi të gjithë në merkaton e verës, teksa u transferua në Serie B, në Itali, te skuadra e Como.

Në një intervistë të dhënë së fundmi, lojtari ka zbuluar edhe arsyet, pse mori vendimin të transferohet aty.

Sipas Fabregas, atij i kanë ofruar disa aksione në klub dhe gjithashtu i kanë premtuar se do e ndihmojnë në rrugën për tu bërë trajner.

Përveç pjesës që klubi i Como-s ka një projekt të madh dhe serioz, më kanë ofruar edhe disa aksione në klub. Ndërkohë, do të më ndihmojnë edhe për t’u bërë një trajner në të ardhmen. Pastaj, le të themi që në transferimin te skuadra e Como-s ndikoi edhe qyteti, Como është një qytet i mrekullueshëm.