Shqiptari Igli Tare, i cili drejton ekipin e Lacios, kryeson në një sondazh të “Tuttomercatoweb” për drejtorin më të mirë teknik në Serinë A.
Edhe pse klasifikimi është ende provizor, ai kryeson bindshëm, me 33.82% të votave, shifër e cila bëhet e ditur nga vetë portali italian.
Tare ka lënë pas Masimiliano Mirabelin e Milanit, apo edhe një emër të njohur si Xhuzepe Marote nga radhët e Juventusit.
Lexuesit e sajtit, e vlerësojnë ish-lojtarin e kombëtares për punën fantastike që ka bërë në drejtimin e Lacios, që gjendet në vendin e 3 në Serinë A, si dhe merr pjesë në Ligën e Evropës.
Tare është konfirmuar prej vitesh si një drejtues inteligjent, duke bërë afrimet e duhura në klub me shpenzime jo maksimale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
