Dihet se Luka Modricit nuk i mbetet edhe shumë kohë në futbollin e luajtur dhe drejtuesit e Milanit kanë filluar të mendojnë për një zëvëndësues ideal.
Kroati siç dihet është konsideruar ndër më të mirët në botë sidomos gjatë dekadës së fundit, i cili fiitoi në të shkuarën çdo titull me Real Madridin.
Kuqezinjtë nuk janë vonuar dhe kanë vepruar shpejt, të cilët kanë ngelur të impresionuar nga niveli i Nicolo Zaniolos.
Mesfushori është huazuar tek Udineze nga Galatasaray në sezonin aktual dhe në fakt në 9 sfida ka shënuar 4 gola, duke treguar edhe njëherë se mbetet tejet i rrezikshëm për çdo rival.
Përshtatja në disa pozicione, eksperienca ndër vite si dhe aspekti tekniko-taktik e shëndërrojnë ishi-n e Romës në një kandidat potencial për të veshur fanellën e ‘’ Djallit ‘’ gjatë merkatos dimërore.
Italianët parashikojnë rreth 10-12 milionë euro për fantazistin dhe drejtuesit e turqëve janë shprehur të gatshëm të dëgjojnë oferta.
Në fakt kontrata me gjigandët e kësaj lige merr fund në 2027-tën por huazimi tek friulanët shoqërohet me një opsion për blerjen përfundimtare të kartonit në fundin e sezonit.
Do të varet nga negociatat në vijimësi dhe nëse gjigandët e Italisë dhe Europës do të veprojnë me shpejtësi mund ta rikthejnë në një ndër ligat më kompetitive, duke qenë se Stefano Pioli e konsideron një vlerë të shtuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
