Laçi është një nga skuadrat më aktive në këtë merkato të verës. Klubi kurbinas ka zyrtarizuar ditën e sotme afrimin e radhës. Sulmuesi malazez, Dejan Zarubica është lojtari më i ri i Laçit.
28-vjeçari vjen nga kampionët e Buducnostit, teksa shihet si një afrim cilësor për skuadrën e Shpëtim Duros. Zarubica ka firmosur kontratë dy vjeçare me Laçin, ndërkohë që pritet t’i japë një ndihmë të madhe bardhezinjve përpara, aty ku në sezonin e fundit shfaqën shumë probleme.
Në 27 ndeshje të zhvilluara me kampionët e Buducnostit, Zarubica arriti të shënojë 8 gola, ndërkohë që në të kaluarën ka qenë edhe pjesë kombëtareve të moshave të Malit të Zi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
