Shqipëria U-21 ka nisur grumbullimin ditën e djeshme, për dy ndeshjet kualifikuese, ndaj Sllovenisë dhe Kosovës. Pas grumbullimit, para mediave ka dalë mbrojtësi Mario Mitaj.
Ai theksoi se skuadra po kalon një gjendje të mirë, ndërsa u shpreh se ekipi ndaj Sllovenisë do të futet me të njëjtin mentalitet si në “Elbasan Arena” për të marrë tre pikët. Mitaj foli edhe për ndeshjen që kuqezinjtë do të zhvillojnë ndaj Kosovës si dhe për synimet për të ardhmen.
"Atmosfera është e mirë. Pak a shumë e njohim njëri-tjetrin sepse jemi grumbulluar shumë herë. Nga ana fizike nuk kemi dëmtime dhe shpresojmë të shkojmë kështu deri në fund.
Ndaj Sllovenisë ne si Shqipëri do të futemi siç u futëm në “Elbasan Arena”, 100% të përqëndruar. Do të futemi me të njëjtin mentalitet. Nuk do të jetë e lehtë sepse e dimë që Sllovenia do të jetë më e fortë se ç’ishte. Objektivi ynë është të futemi dhe të marrim tre pikët dhe nuk duhet të kemi frikë pasi mund të përballojmë çdo kundërshtar.
Çdo ndeshje është shumë e rëndësishme, sidomos kjo e Kosovës pasi është në transfertë. Është një ekip shumë i fortë, kemi luajtur disa ndeshje, por kjo nuk na ndalon nga objektivi ynë që të marrim tre pikët.
Synimi tani për tani është që të luaj sa më shumë për klubin.", u shpreh Mitaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
