Reali gjen "Higuainin" e ri

Pavarësisht se kontinenti i vjetër është gjithmonë destinacioni më i preferuar i skuadrave të njohura në lidhje me merkaton ,  Real Madridi ka zgjedhur ti kalojë kufinjtë  dhe është ndalur në Argjentinë . Ky shtet shquhet për nxjerrjen e talentëve vit pas viti dhe ‘’ Galaktikët ‘’ janë përqëndruar tek River Plate .  

Objektivi i Carlo Ancelottit  tek ‘’ Los Millonarios ‘’  quhet Julian Alvarez. Sulmuesi i talentuar konsiderohet si ‘’ Higuaini i ri ‘’  , lojtar që la gjurmë tek spanjollët dhe natyrisht do të mbahet mend gjatë si një ndër kontribuesit më të mëdhenjë në historinë e ‘’ Los Merengues ‘’. 

  Hapat e tij po  ndiqen nga 21 vjecari i cili shumë shpejt ka arritur suksesin dhe ka privilegjin të drejtohet nga një teknik si Marcelo Gallardo që ka befasuar me aftësitë  tek kryeqytetasit .  19 gola dhe 13 asiste në 40 ndeshjet e këtij sezoni s’kishin si të mos vlerësoheshin nga tekniku Italian i cili me kujdes po i bën analizat në funksion të një të ardhme të ndritur dhe përzierja e eksperiencës me talentin vijon të jetë një formulë bindëse  .

Duhet nënvizuar  se argjentinasit dhe spanjollët ruajnë marrëdhënie  të shkëlqyera prej vitesh dhe  ky faktor  shkon në favor të  ‘’ Los Blancos ‘’ për konkretizimin e këtij operacioni tepër interesant dhe me vënd sepse progresi i Julian Alvarez s’ka të ndalur dhe i shërben këtij Real Madridi që pritet të ketë ndryshime me  Carlo Ancelottin në pankinë .

Pistat për  sulmuesin nga Kordoba nuk mbarojnë këtu sepse edhe Inter me Atletico Madridin i janë vënë pas sepse shohin tek ai një garanci  për sulmin pavarësisht se zikaltërve dhe ‘’ Los Colchoneros ‘’ i ka buzëqeshur fati në sezonin e fundit pasi kanë fituar respektivisht La Ligan dhe Scudetton . 

Rivaliteti do të jetë patjetër shumë i ashpër deri në fund sepse janë skuadra ku mund të gjejë komoditetin e nevojshëm dhe terrenin për të arritur suksese  si në aspektin kolektiv ashtu edhe në atë individual .