Humbja e djeshme e Lacios kunder Napolit ka prishur qetsinë në ambientin bardhekaltër. Klubi kryeqytetas nuk po kalon një periudhë të mirë që pas humbjes së pësuar me Genoan dhe sherrin mes trajnerit Simone Inzaghit dhe brazilianit Felipe Anderson.
Për të qetsuar situatën është futur drejtori sportiv Igli Tare i cili për “Mediaset Premium”, kërkon që të qetsojë situatën.
“Gjëja themelore është që grupi vlen më shumë sesa individi, e për këtë i kemi rregullat të qartë.
Ne duam më të mirën për të, por në fund vlen vetëm objektivi që kemi si ekip, kështu që të gjithë duhet të qëndrojmë në të njëjtën anë. Pas Genoas nuk ka pasur konfrontim të hapur, thjesht veprime keqardhjeje. Asgjë nuk ka për t’u dramatizuar”, deklaroi Tare.
Me humbjen e djeshme Lacio mban vendin e tretë në tabelën e rendijtes me 46 pikë të grumbulluara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
