Është rikthyer tek fitorja pas triumfit të Ferrarit në garën e parë sezonale të Melburnit në Australi, Luwis Hamilton.
Në garën e dytë të sezonit në Çmimin e Madh të Kinës ka ardhur edhe kundërpërgjigjja e Mercedesit me kampionin e vitit të kaluar, Lewis Hamilton.
Britaniku e nisi garën nga vendi i parë dhe e përfundoi atë sërish aty, pa u shqetësuar aspak nga rivalët e tij.
Gjermani i Ferrarit, Vettel arrin gjithsesi të renditet në vendin e dytë, duke mbetur me pikë të barabarta tashmë me britanikun në klasifikimin e pilotëve, e duke u shfaqur kështu si kundërshtari kryesor për fitimin e këtij Botërori të Formulës 1.
Një sfidë spektakolare në xhirot e fundit ishte ajo mes dy pilotëve të Red Bullit për vendin e fundit në podium, mes Verstappenit dhe Ricciardos, me australianin që ishte shumë pranë parakalimit por në kthesën e fundit frenon deri në bllokim të gomave, duke mbetur pas holandezit.
Gara e ardhshme e Botërorit të Formulës 1 është pas një jave në Bahrein.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
