Miliarderi Todd Boehly nuk është vonuar aspak pas blerjes së Chelseat dhe sipas ‘ Daily Telegraph ‘ menjëherë ka filluar të vërë në praktikë teoritë e tij .
Amerikani i ka premtuar Thomas Tuchelit gjashtë blerje gjatë merkatos verore për ti kompletuar londinezët në vigjile të sezonit te ri.
Por gjatë kësaj periudhe ‘’ Blutë e Londrës ‘’ gjithashtu do të shesin komponentët që nuk e kanë bindur trainerin gjerman, ndër të cilët përfshihet Romelu Lukaku.
Belgu do të huazohet tek Interi kundrejt 8 milionë eurove plus 2 të tjera që i korrespondojnë bonuseve në varësi të arritjeve të ‘’ Buallit ‘’ tek zikaltërit.
Një ndër të padëshiruarit e ishi-t të Borussia Dortmundit është Hakim Ziyech për të cilin interesohet Milani.
Largimi i Antonio Rudigerit në ‘’ Santiago Bernabeu ‘’ e ka zgjeruar listën e transferimeve me kalimin e ditëve dhe po ndiqen edhe Matthijs de Light, Jules Kounde , Jonathan Clauss për sa i përket prapavijës por edhe Richarlison dhe Osumane Dembele për sulmin.
Në total drejtuesit e rinj kanë vënë në dispozicion 240 milionë eurove me qëllimin e shëndërrimit të Chelseat në një rival tejet të rrezikshëm për çdo ekip, i aftë për të rikthyer përsëri buzëqeshjen .
Thuhet se fillimi i mbarë është gjysma e punës dhe të qënit një ekip i suksesshëm imponon lëvizjet e mirëllogaritura në funksion të merkatos për të lideruar përsëri në kompeticionet pjesëmarrëse.
Kështu që marokeni do të jetë një ndër lojtarët i cili me shumë gjasa do ti japë lamtumirën ‘’ Stamford Bridges ‘’ sepse i ka trokitur në derë kampioni në fuqi i Scudettos, për të cilin prioritet absolut është mbrojtja e titullit dhe akumulimi i sa më shumë trofeve në të ardhmen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
