Një ndër objektivat e drejtuesve të Atletico Madridit për sezonin e ri do të jetë përforcimi i mesfushës.
Diego Simeone është një ekspert në këtë pozicion duke qenë se u aktivizua në kohën si lojtar dhe i njeh me detaje dobësitë e ‘’ Los Colchoneros ‘’.
Kryeqytetasit ia kane shtuar listës emrin e Kees Smit, pjesë e Az Alkmaarit.
20 vjeçari po impresionon në Eredivisie, tek një ndër ekipet më të fortë për të cilin janë disa pretendentë në garë.
Mënyra se si luan i ka bërë ekspertët ta krahasojnë me Frenkie de Jongun, i cili spikat për organizmin e lojës, vizionin dhe inteligjencën në aspektin taktik.
Ta impresionosh ‘’ El Cholon ‘’ nuk është e lehtë duke qenë se njihet si një ndër trainerët më kokëfortë dhe cilësorë në futboll.
Edhe në Premier League po luftohet për të marrë shërbimet e yllit të Eredivisies dhe në fakt ky interes mund të konsiderohet një kërcënim për spanjollët.
‘’ Los Rojiblancos ‘’ përbëhen nga komponentë cilësorë sidomos në aspektin konkret dhe përfshirja e Kees Smit mund ti ndihmojë për ta rritur rendimentin gjatë sfidave.
Pa dyshim nxënësi i Leeroy Echteld është një ndër talentët më në formë në Europë, për të cilin do të zhvillohen sfida tejet emocionuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
