Portieri kamerunas, Andre Onana është gati për të nisur aventurën e re me Interin. Futbollisti ka mbërritur ditën e sotme në selinë e klubit zikaltër, ku do të firmosë kontratën 5-vjeçare.
Onana ka zhvilluar një takim me drejtuesit e Interit dhe në orët në vijim pritet të vijë zyrtarizimi i kësaj lëvizje.
26-vjeçari do të kalojë te Interi me parametra 0, pasi i ka përfunduar kontrata me Ajax. Gjithashtu ai kaloi vizitat mjekësore te Interi që në janar, kur u arrit edhe marrëveshja për të kaluar në Milano.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
