Gianluigi Buffon, është lojtari i radhës që ka marrë një ofertë të majme nga Arabia Saudite. Sipas asaj që raportojnë mediat italiane, portierit i është ofruar një kontratë me 30 milionë euro në sezon, nga një klub arab. 45-vjeçari nuk ka marrë ende një vendim, teksa për këtë ka kërkuar pak kohë. Buffon ka edhe një vit kontratë me skuadrën e Parmës dhe e ardhmja është e paqartë. “La Gazzetta dello Sport”, raporton gjithashtu se portieri italian ka menduar edhe tërheqjen nga futbolli i luajtur. Dëmtimet e shumta të pësuara në muajt e fundit, kanë bërë që lojtari të mendojë tërheqjen në moshën 45-vjeçare. Në ditët e ardhshme pritet një vendim përfundimtar nga Buffon, sa i përket të ardhmes së tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
