Përgatitjet për Asamblenë e Përgjithshme të zakonshme Zgjedhore në FSHF, po bëhen tashmë në tetë zyrat rajonale, kur po zgjidhen kandidatët për Asamblenë që do të mbahet më 2 mars.
Gazetari i sportit Edi Hajdini, në studion e “MCN live”, u shpreh sot pesimist se kjo asamble do të mbahet më 2 mars, për faktin se sipas tij, pa pengesa ligjore dhe se çështja do të përfundojë në gjykatë.
“Dje u zhvilluan edhe zgjedhjet në zyrën rajonale të Shkodrës, ku poashtu pati të njëjta probleme, akuza për manipulime, fshehje të numrit të delegatëve, sot u mbajt në Lezhë, në të tetë zyrat rajonale, ka rezultuar se kanë fituar kandidatët përkrahës të Armando Dukës, nëse do të jetë afati i fundit që do të përcaktojë kandidaturat për në asamble.
Unë jam pesimist se do të ketë asamble në datën 2 mars, pra sabotimi do të jetë më pas në pjesën e gjykatave, me arsyetimin se ka pengesa ligjore, do të ketë zvarritje nëpër gjykata, sepse do ti quajnë të kundërligjshme dhe të parregullta asambletë në zyrat rajonale dhe do të bëjnë nulë gjithë këtë proces.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
