Mbërritja e Hansi Flick në stolin e Barcelonës sigurisht do të pasohet nga një merkato, e cila konsiderohet e domosdoshme për mbarëvajtjen në të ardhmen.
‘’ Blaugranët ‘’ janë ende larg sukseseve dhe traineri gjerman menjëherë ka filluar ti vërë pikat mbi i, i cili tashmë ka deklaruar objektivat e rradhës.
Flitet për Joshua Kimmich, Joao Cancelo dhe Nico Williams.
Portugezi e zhvilloi sezonin e kaluar tek katalanasit në cilësinë e të huazuarit, një fakt që mund ta favorizojë nëse do të vijojë nën drejtimin e trainerit gjerman.
Ishi i Valencias nuk është pjesë e planeve të trainerit Pep Guardiola dhe numri një i stolit i ka vënë në lëvizje drejtuesit për t’ia arritur objektivin.
Ndërsa Joshua Kimmich, njëkohësisht bashkombasi i tij e ka treguar edhe me Bayern Munchenin se çfarë është i aftë të bëjë, pa harruar edhe kontributin tek kombëtarja ‘’ Trikolor ‘’.
Momentalisht kartoni i 29 vjeçarit i arrin 50 milionë eurot dhe kontrata me bavarezët përfundon në 2025-sën.
Kapaciteti për rikuperimin e topit, organizimin e lojës dhe përshtatja në disa pozicione sigurisht e shëndërrojnë në një element që mund ti bëjë punë ‘’ Los Cules ‘’ në të ardhmen e afërt.
Edhe Nico Williams nuk mbetet prapa, lojtar i cili i ka qëndruar besnik ndër vite Athletic Bilbaos. 21 vjeçari është një element shumë dinamik në metrat e fundit, i favorizuar nga teknika dhe shpejtësia, gjithashtu tejet problematik në duelet një kundra një.
Formimi i tridentit bashkë me Lamine Yamal dhe Robert Lewandowskin është një ndër prioritetet e Hansi Flickut, për të cilin presioni do të jetë shumë i madh pasi Barcelona futet në rangun e ekipeve më të mirë në botë.
Priten natyrisht shumë transferime në Katalunjë por duhen patur parasysh edhe vështirësitë, ashtu siç ndodh pothuajse në çdo merkato.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
