Vllaznia ka marrë një fitore shumë të rëndësishme, teksa ka mposhtur minimalisht Partizanin. Në “Loro Boriçi” ishte një ndeshje me të vërtetë spektakolare, e cila u vendos nga një gol i shënuar nga Liridon Latifi në minutën e 29-të.
Shumicën e pjesës së dytë, Vllaznia e luajti me 10 lojtarë, pasi Krymi u ndëshkua me të kuq. Teksa Tedi Cara ishte nisur i vetëm drejt portës së Vllaznisë, futbollisti i shkodranëve ndërhyn qëllimisht në mënyrë të gabuar, duke u ndëshkuar me karton të kuq.
Pas kësaj, Partizani u mundua të reagonte, por nuk ia doli të shënojë të paktën një gol, duke bërë që të shpërthejë festa në “Loro Boriçi” të Shkodrës. Me këtë fitore, Vllaznia merr vendin e tretë me 20 pikë, ndërsa Partizani mbetet në vendin e 6-të me 15 pikë.
Në ndeshjen tjetër, Skënderbeu mposhti 2-0 Egnatian, në ndeshjen e zhvilluar në Korçë. Bardhekuqtë e Migen Memellit u shfaqën dominues, duke marrë kështu 3 pikë shumë të rëndësishme dhe ngjiten në vendin e 8-të me 11 pikë, po aq sa Egnatia e vendit të 9-të.
Të dy golat u shënuan në pjesën e dytë, teksa në minutën e 47-të ishte Leonit Vitija që shënoi me kokë, ndërsa në minutën e 87-të, Elvi Berisha vulosi rezultatin në 2-0.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
