Pengu i madh nga Botërori, sulmuesi i Francës: Ai rast mund të më kishte ndryshuar jetën

Sulmuesi Kolo Muani, ishte një nga zbulimet e Botërorit të Katarit, ku shkëlqeu me kombëtaren e Francës.

Gjithsesi lojtari është larguar me një peng të madh nga ky kompeticion, që sipas tij mund t’i kishte ndryshuar jetën.

Në një intervistë të dhënë së fundmi, Kolo Muani, ka kujtuar rastin e humbur në finale ndaj Argjentinës në minutat e fundit të sfidës.

Ai rast mund të më kishte ndryshuar jetën. Fatkeqësisht ajo që ndodhi tani është histori, është një nga veçoritë e jetës.

Kur pata mundësinë ta rishikoja atë veprim, kuptova se kisha shumë alternativa të tjera në dispozicion për të shënuar, por gjithçka rrjedh shumë shpejt në fushë dhe sot dua vetëm të shikoj përpara.

Është pjesë e imja edhe nëse nuk do e harroj kurrë atë moment. Ishim në prag të fitimit të yllit të tretë. Nuk do të gënjej, e urrej atë moment.