Barcelona dhe Manchester City me shumë gjasa do të jenë dy ndër protagonistët e merkatove vijuese.
Si tek ‘’ Azulgranët ‘’ ashtu edhe tek bardhekaltërit priten ndërhyrje në disa pozicione.
Një prej tyre është kuadrati i bardhë duke qenë se portierët respektivë nuk e kanë të sigurtë qëndrimin.
Lucas Chevalier është shëndërruar në objektvin e tyre, një portier shumë cilësor në rradhët e Lilles.
Në tre sezonet e fundit 22 vjeçari ka dhënë për tu kuptuar se meriton të merret në konsideratë dhe sakrificat e bëra tashmë mund të themi se i janë shpëblyer.
Me ‘’ Les Dogues ‘’ kontrata i përfundon në 2027-tën por pretendimi i drejtuesve mund të përbëjë një sfidë për katalanasit.
Ky fakt jep për të kuptuar se ishullorët ndoshta do të jenë disi të avantazhuar për firmosjen me Lucas Chevalier dhe presidenti i Lilles Olivier Letang ka treguar në çdo merkato se është mjaft kokëfortë gjatë negociatave.
Niveli i francezit është impresionues dhe pavarësisht diferencave në aspektin ekonomik, sigurisht do të jetë një sfidë titanësh ndërmjet Barcelonës dhe Manchester City-t.
Ishi i Valenciennes prej tre sezonesh po tregon kualitetin në Ligue 1, një ndër kampionatet kryesorë në Europë, të cilit këto dy ekipe ja kanë hapur derën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
