Një ndër prioritetet e merkatos së Barcelonës mbetet natyrisht afrimi i talentëve, të cilët do të jenë përfaqësuesit e spanjollëve në të ardhmen. Këtë herë drejtuesit e ‘’ Azulgranëve ‘’ kanë zgjedhur si destinacion modesët e Antwerpit, skuadër e kualifikuar në grupet e Champions Leagues , tek e cila po spikat Arthur Vermeeren. Falë shkëlqimit në ndeshjet eleminatore , të vlefshme për pjesëmarrjen në grupet e këtij kompeticioni, 18 vjeçari ka treguar një nivel mbresëlënës dhe ky fakt e ka impresionuar trainerin Xavi Hernandez. Pas largimit të Sergio Busquets, një ndër më të rëndësishmit e Barcelonës në këtë repart ndër vite, për numrin një të stolit mbetet prioritet përforcimi me një lojtar cilësor dhe Arthur Vermeeren e ka bindur ish kampionin e Europës dhe botës me ‘’ La Furia Rojan ‘’. Sigurisht , duke patur parasysh problemet e vazhdueshme në aspektin ekonomik të kuq e bluve është i natyrshëm pretendimi për lojtarët me një kosto të përballueshme, për të evituar pakënaqësitë e mundshme në të ardhmen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
