Alvaro Morata do të vishet sërish bardhezi katër vite pasi u largua nga Italia. Kjo pasi Juventus ka rënë dakord të pagujë 10 mln euro për huazimin 1-vjeçar të tij me të drejtë blerje për 45 mln të tjera.
Sulmuesi 27-vjeçar që sot ka qenë prezent në Torino ka kryer vizitat mjekësore pas të cilave do të firmosë një kontratë 5-vjeçare. Për t’u ribashkuar me Juventusin Morata ka hequr dorë nga 9 mln eurot që merrte te Atletico Madrid. Sipas mediave italiane Morata me ‘zonjën e vjetër’ do të marë 5 mln euro plus bonuse.
Ndërkohë lëvizje ka edhe tek Inter që më në fund ka zyrtarizuar Arturo Vidal. Kilieni, që ishte dëshira e madhe e Conte-s ka firmosur një kontratë 2-vjeçare me 6 mln euro në sezon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
