Rey Manaj është kthyer në personazhin kryesor të mediave spanjolle të sportit. Sulmuesi i Shqipërisë, bëri një debutim të paharrueshëm me ekipin e parë të Barcelonës ditën e djeshme.
Lushnjari i hedhur në fushë në pjesën e dytë në miqësoren ndaj Gimnastic, arriti të shënojë plot 3 herë, duke i mahnitur të gjithë.
Manaj shënoi fillimisht një gol shumë të bukur në minutën e 60-të, duke i dhënë avantazhin të tijve, ndërsa realizoi edhe dy herë të tjera në minutat 86-të dhe 90-të, duke vulosur shifrat në 4-0, pasi shënoi edhe Collado në minutën e 85-të.
Kjo tripletë e shqiptarit, ka bërë që shumë tifozë të Barcelonës të çmenden pas tij, duke thënë se më mirë do ishte Manaj në skuadrën e parë sesa Griezmann apo Braithwaite.
Gjithashtu 24-vjeçari është kthyer edhe në personazhin kryesor të mediave spanjolle, teksa të përditshmet katalanase ditën e sotme e kishin vendosur në faqet e para, ku nuk i kursenin lëvdatat në drejtim të tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
