Në rrjetet sociale po qarkullon tashmë një video e fundit e ikonës së futbollit Diego Armando Maradona, pak kohë para se të ndahej nga jeta.
“Djali i Artë” shfaqet në kuzhinën e banesës së tij së bashku me ish-partneren Veronika Ojeda.
Diego përshëndet doktorin Leopoldo Lukue, i cili e operoi, ndërsa shprehet se ndihet i deformuar pas operacionit në kokë, por qëndrimi me njerëzit e mirë e bën të ndihet rehat.
“Ç’kemi Luke! Jam i deformuar, por ndihem mirë. Ti e di, nuk më pëlqen intimiteti. Kur jam me njerëz të mirë, dal jashtë strofullës sime. Një puthje për Leopoldo Luken!”, shprehet për herë të fundit Maradona.
Leopoldo Luque është neurokirurgu i hetuar dhe konsideruar si një figurat qendrore në hetimin e hapur për vdekjen e ikonës së futbollit, i cili akuzohet për neglizhencë mjekësore, neglizhencë të personit, vrasje pa dashje.
Roli i tij, epërsia e tij del gjithashtu nga disa biseda, mesazhe të WhatsApp , të shkëmbyera me vajzat e ish-kampionit ose në biseda të tjera ku ai vetë është objekt kritikash nga anëtarët e familjes ose flet për të me tone shumë të ashpra.
Nuk është i vetmi sepse në rindërtimin e gjurmuar nga magjistratët ekziston një person tjetër që ka përfunduar nën rrjetën e hetuesve: është psikiatrja Agustina Cosachov, mjekja që kishte përshkruar ilaçe të rrezikshme psikotrope, të kundërindikuar për një pacient tashmë që vuante nga insuficienca e zemrës si Maradona.
Ai vdiq në banesë në moshën e 60-vjeçare në 25 nëntor të vitit të kaluar nga një atak kardiak. Vdekja e tij shkaktoi hidhërim në mbarë botën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
