Mbrojtësi Ferland Mendy është shëndërruar në protagonistin kryesor të disa zërave në lidhje me largimet nga ‘’ Santiago Bernabeu ‘’ . Por pas një sezoni të shkëlqyer nën drejtimin e bashkombasit Zinedine Zidane , francezi është mbështetur fuqimisht nga traineri Carlo Ancelotti për të vijuar me kontributin tek Real Madridi . Italiani e ka konfirmuar dëshirën e tij gjatë një interviste për spanjollen Marca e cila lidhet me dhënien e mundësive 25 vjeçarit për të shpalosur potencialin në funksion të sukseseve të ‘’ Galaktikëve ‘’.
Ishi i Lyonit kërkon të tregojë se është në nivelin e përfaqësimit të një klubi si Real Madridi dhe për ta realizuar objektivin do ti duhet shumë punë sepse konkurrenca tek ‘’ Los Merengues ‘’ është shumë e ashpër .
Në një farë mënyre Ferland Mendy pavarësisht zërave të shumtë e kishte të sigurtë qëndrimin tek Real Madridi për arsye se kontrata e firmosur do të përfundojë në 30 qershorin e 2025-sës dhe Carlo Ancelotti do të ketë një element tepër efikas nga krahët për sezonin që është në prag të startimit .
Para disa kohësh drejtuesit e Real Madridit deklaruan se ishin të gatshëm të dëgjonin ofertat në adresë të mbrojtësit për ti shërbyer transferimit të Kylian Mbappes në Madrid por gjërat kanë ndryshuar në momentet e fundit dhe Ferland Mendy do të jetë i disponueshëm në çdo moment për ti shërbyer taktikave të Carlo Ancelottit .
Me 38 ndeshje dhe 2 gola , ky lojtar ka marrë edhe një herë ‘’ Ok ‘’ për të vijuar me kontributin tek gjigandët e Spanjës dhe më gjerë , të cilët duan të rikthejnë faqen dhe të afrohen me titujt e munguar në sezonet e fundit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
