Si në çdo merkato tjetër në kontinentin e vjetër vijojnë sfidat emocionuese ndërmjet ekipeve të elitës për talentët e rinj.
Një ndër ato që ka spikatur është edhe Ayden Heaven, i cili po lë gjurmë tek Arsenali.
Mbrojtësi anglez tashmë është pjesë e ekipit të parë dhe menjëherë ka treguar kualitetin, falë besimit që i ka dhënë Mikel Arteta.
Vizioni për lojën, shpejtësia dhe adaptimi i shpejtë gjatë sfidave e avantazhon sigurisht dhe interesi për të është i pashmangshëm.
Janë Manchester United, Manchester City dhe Paris St Germain skuadrat të cilat do të luftojnë për shërbimet e 18 vjeçarit, një pilar i ‘’ Topchinjve ‘’ dhe ndër më premtuesit e dalë nga akademia.
Të qënit mjaft dinamik dhe teknik e ka bindur trainerin Ruben Amorim i cili i ka kërkuar medoemos drejtuesve të japin maksimumin, edhe pse koha nuk premton shumë referuar merkatos aktuale.
Ndërsa, ‘’ Qytetarët ‘’ gjithmonë janë shquar për analizën e detajuar që i bëjnë talentëve të rinjë, të cilët do të jenë përfaqësuesit më të denjë në të ardhmen e afërt.
Tekniku Pep Guardiola ja ka hapur dyert e ‘’ Etihad Stadium ‘’ por gjigandët e Premier Leagues duhet të bëjnë kujdes nga ‘’ Les Pariziens ‘’, një ekip shumë i sikletshëm, i mbështetur fuqimisht ndër vite nga presidenti Nasser Al Khelaifi.
Pavarësisht interesit i cili parashikohet se do të vijë në rritje, momentalisht Ayden Heaven është i fokusuar tek 13 herë kampionët e Premier Leagues, një ndër ekipet historikë të këtij kampionati.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
