Kjo fundjavë mund të quhet edhe si ajo e legjionarëve! Përveç Rey Manajt që gjeti golin e parë në Serie A me Spezian, rrugën e rrjetës e kanë gjetur edhe shqiptarë të tjerë.
Në Hungari, Jasir Asani ka bërë që të gjithë të flasin për supergolin e tij. Ish-sulmuesi i Partizanit, ishte protagonist në fitoren 2-1 të Kisvarda, ndaj MOL Fehervar.
Në minutën e 22-të, Asani realizon një perlë nga jashtë zone, teksa gjuan bukur me të majtën dhe topi ndalet në fundin e rrjetës. Supegoli i shqiptarit, i mahniti të gjithë në stadium, por edhe ata që ishin në stol, që shpërthyen në festë. Një fitore shumë e rëndësishme ajo e Kisvarda ditën e sotme, pasi ngushton diferencën me kryesuesit e Ferencvaros me vetëm 2 pikë.
Golin ditën e sotme e ka gjetur edhe Dejvi Bregu. Vlonjati shënoi golin vendimtar të takimit, duke i dhënë fitoren 1-2 Boluspor në transfertë ndaj Umraniyespor. Teksa ndeshja ishte mbërthyer në shifrat 1-1, Bregu shfrytëzon një top të mbetur në zonë në minutën e 91, duke e dërguar në rrjetë, për t’i dhënë fitoren skuadrës së tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
