Trajneri i Partizanit, Orges Shehi, foli për MCN TV, pas humbjes në finalen e titullit ndaj Egnatias.
Shehi, deklaroi se ndeshja u vendos nga një episod, ku u shënua edhe goli i vetëm i takimit.
Mërzia është prezente, po të kishim shënuar do të ishte histori tjetër. Rastet i kishim, po të kishim shënuar do kishte shkuar ndryshe.
Presioni në ndeshje të tilla është i madh, ndoshta ndikoi te lojtarë. Në pjesën e dytë ishim ne prezentë, nuk kam pishmane. Episodet e vendosin, kështu ndodhi edhe sot, një episod na ndëshkoi.
Nuk na mbetet gjë tjetër vetëm të qajmë rastet e humbura. Ky është futbolli. Egnatia u përshtat më shumë me terrenin në pjesën e parë. E zhvendosi lojën me topat e gjatë. Kundërshtari i shfrytëzoi rastet, ndërsa ne jo. Këtë kohë që jemi pushim do të jemi të mërzitur, më vjen keq për çunat dhe tifozët që dhanë maksimumin.
Nuk e di rasti i golit që na u anulua a ishte i rregullt apo jo. Ngelet për t’u parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
