Si duket eksperienca e Saul Niguez në kontinentin e vjetër do të përfundojë gjatë kësaj merkatoje verore.
Mesfushori zhvilloi sezonin e kaluar tek Sevilla nën cilësinë e të huazuarit dhe tashmë është shumë afër kalimit tek Flamengo.
Sipas ecurisë së deritanishme thuhet se spanjolli do të firmosë për tre vite me gjigandët e Brasileiraos dhe Kupës Libertadores, një ndër ekipet më të frikshëm në Amerikën e Jugut.
30 vjeçari është në një moment shumë të rëndësishëm të karrierës dhe natyrisht synon të jetë pjesë e një kampionati cilësor.
Pas disa sezoneve me shumë ulje-ngritje Saul Niguez do të kërkojë të bëjë hapin e duhur, edhe pse do ti duhet shumë punë sepse rivaliteti në Brazil por edhe në Kupën Libertadores apo atë Sudamerikana vijon të jetë shumë i ashpër.
Thuhet se orët vijuese Saul Niguez do të bëjë testet përkatëse, për të nisur më pas një eksperiencë ndryshe por në rradhët e një ekipi shumë cilësor.
Në sezonin e shkuar me andaluzët lojtari nga Alikante u aktivizua në 26 sfida dhe shënoi një gol.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
