Klubi i Milanit ka dalë me një komunikatë zyrtare, ku është njoftuar shkarkimi i Paolo Maldinit, nga posti i drejtorit teknik.
Vendimi u mor që të hënën e 5 qershorit, por vetëm ditën e sotme është bërë zyrtare.
Shkak për divorcin janë bërë mosmarrëveshjet e fundit. Presidenca dhe Maldini kishin pikëpamje të ndryshme për merkaton dhe duket se kjo ka sjellë ndarjen e rrugëve.
Njoftimi i klubit:
AC Milan njofton se Paolo Maldini përfundon mandatin e tij në klub, me efekt nga 5 qershori 2023.
E falënderojmë për kontributin e tij ndër vite, me Milanin që u rikthye në Champions League dhe fitoi titullin kampion në sezonin 2021/22.
Përgjegjësitë e tij do t'i caktohen një grupi pune të integruar, i cili do të punojë ngushtë me trajnerin e ekipit të parë, duke i raportuar drejtpërdrejt Kryeshefit Ekzekutiv.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
