Novak Djokoviç: Më mirë do të sakrifikoj trofetë, sesa të detyrohem për vaksinim

Novak Djokovic ka thënë se më mirë do të humbiste trofetë e ardhshëm të tenisit sesa të detyrohej të merrte një vaksinë kundër Covid.

Duke folur për BBC, ai tha se qëndrimi i tij nuk lidhet me lëvizjen anti-vax, por të mbështesë të drejtën e një individi për të zgjedhur.

Gjokoviç u pyet nëse ai do të sakrifikonte pjesëmarrjen në gara të tilla si Wimbledon dhe French Open lidhur me qëndrimin e tij ndaj vaksinës. "Po, ky është çmimi që unë jam i gatshëm të paguaj," tha ai.

20 herë fituesi i Grand Slam-it u deportua nga Australia muajin e kaluar pasi qeveria ia anuloi vizën me radhë për statusin e tij të vaksinës.

Djokovic, i cili është tenisti numër një në botë për meshkuj, tha se ai kishte marrë një përjashtim mjekësor për të hyrë në vend për të luajtur në Australian Open pasi ishte shëruar së fundmi nga Covid-19.

Megjithatë, ministri i imigracionit të vendit, Alex Hawke, i anuloi personalisht vizën 34-vjeçarit, me arsyetimin se prania e tij mund të nxiste "trazira civile" dhe të nxiste ndjenjën kundër vaksinës.

"Unë kurrë nuk kam qenë kundër vaksinimit," i tha ai BBC-së, duke konfirmuar se ai kishte bërë vaksina që fëmijë, "por unë gjithmonë kam mbështetur lirinë për të zgjedhur atë që vendosni në trupin tuaj."

Në një intervistë të gjerë, e para e tij që kur u arrestua në Melburn në janar, Djokovic adresoi spekulimet në lidhje me kohën e rastit të tij pozitiv Covid në dhjetor dhe diskutoi qëndrimin e tij ndaj vaksinës.