Mes bojkotit të disa anëtarëve dhe pezullimit nga detyra të kreut aktual të Federatës Shqiptare të Futbollit, Armand Duka, në “Shtëpinë e Futbollit” do të mbahen sot zgjedhjet për presidentin e ri.
Zgjedhjet ishin parashikuar të mbaheshin fillimisht më 2 mars, por pas vendimit të Gjykatës së Tiranës ato u shtynë për në 15 mars.
Vendimi erdhi pas ankesave se po manipuloheshin zgjedhjet në disa Shoqata Rajonale Futbolli (SHRF), që më pas të ndikonin të zgjedhjet e përgjithshme.
Ndërkohë, po kjo gjykatë ka vendosur të pezullojë nga detyra Armando Dukën. I pezulluar është dhe Sekretari i Përgjithshëm i FSHF-së, Ilir Shulku.
Kandidatë për kreun e ri të FSHF përveç Armand Dukës, i cili synon mandatin e gjashtë, është gazetari Dritan Shakohoxha, por edhe trajneri Sulejman Starova.
UEFA ka përzgjedhur të dërguarit e saj për të monitoruar zgjedhjet. Zëvendëspresidenti i organit më të lartë të futbollit në Evropë, Zibi Boniek do të jetë i pranishëm në Tiranë për monitorimin e procesit. Së bashku me të do të jenë dhe dy zyrtarë të tjerë, Thierry Favre dhe Luca Nicola.
Edhe FIFA gjithashtu ka dërguar dy zyrtarë të saj për monitorimin e procesit zgjedhor, Nodar Akhalkatsi dhe Sofia Malizia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
