Dëmtimet e shpeshta në sezonet e fundit të Dani Carvajal nuk i kanë dhënë shumë mundësi për variante Real Madridit që ka vuajtur shumë në këtë pozicion. Aktualisht spanjolli është rikuperuar totalisht por drejtuesit e ‘’ Galaktikëve ‘’ s’kanë asnjë siguri se ecuria e tij do të ketë të njëjtin ritëm dhe e kanë vënë theksin tek prurjet e reja në ‘’ Santiago Bernabeu ‘’.
Carlo Ancelotti kërkon një mbrojtës cilësor dhe një ndër emrat e përzgjedhur është Jonathan Clauss. 29 vjeçari i Lensit ka zhvilluar sezone pozitive dhe vjen pas një eksperience të gjatë në Francë me ekipe shumë modeste dhe gjithashtu pas asaj me Arminia Bielefeldin në Gjermani.
Tekniku italian ka vënë bast për francezin sepse i duhet me patjetër të përmirësojë anën e djathtë të mbrojtjes tek ‘’ Los Merengues “ .
Vendimet e të kaluarës flasin për gabime fatale të spanjollëve si përshembull me Alvaro Odrioziola-n dhe lejimin e largimit të Achraf Hakimit tek Interi . Por megjithatë këto luhatje i kanë dhënë një leksion të vlefshëm drejtuesve që janë të gatshëm ti ofrojnë alternativat më cilësore Carlo Ancelottit për të punuar i qetë në vijimësi me objektivin e fitimit të trofeve që mungojnë prej kohësh në vitrinën e madrilenëve .
Një ndër synimet e këtij traineri është që Dani Carvajal të ketë mundësinë të ndërrohet me Jonathan Clauss në momente të ndërlikuara.
Tek Lensi lojtari nga Strasburgu konsiderohet i pazëvëndësueshëm dhe madje ka kontribuar për të qenë një rival i fortë në javët e para të kampionatit sepse pas 13 ndeshjesh ruan me fanatizëm vendin e dytë , por është larg Paris St Germain me një diferencë të madhe pikësh .
Interesi i Real Madridit i ka dhënë një tjetër kuptim karrierës së Jonathan Clauss dhe sigurisht nëse do të zbarkojë në Spanjë do të konsiderohej si arritja me e madhe si futbollist .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
