Milani prej kohësh është në kërkim të një sulmuesi, pas largimit të Ibrahimovic. Gjithashtu nga kuqezinjtë pritet të largohen edhe Rebic e Origi dhe për këtë arsye, drejtuesit po punojnë për të afruar një ose dy lojtarë për repartin e avancuar. Sipas asaj që raportojnë mediat italiane, Milani ka “piketuar” Mauro Icardin, për sulmin. “Sportmediaset” raporton se drejtuesit italianë, kanë pasur bisedime me PSG, klub që zotëron kartonin e argjentinasit. Ish-sulmuesi i Interit, e njeh mirë kampionatin italian, aty ku kishte edhe shkëlqimin e tij. Për të siguruara shërbimet e lojtarit, Milani duhet të paguajë 15 deri në 20 milionë euro, por problem mund të jetë paga e sulmuesit, i cili kërkon 7 milionë euro në sezon. Icardi luajti i huazuar këtë sezon në Turqi te Galatasaray, ku shënoi 22 gola dhe dhuroi shtatë asiste, duke dhënë kontribut të madh për fitimin e titullit. 30-vjeçari e njeh mirë Serinë A, pasi ka shënuar 124 gola në 219 paraqitje në të gjitha garat për Interin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
