Lëndimet kanë ulur shumë performancën e Zlatan Ibrahimovic, i cili edhe pse i vendosur të vazhdojë të luajë futboll në nivelin më të lartë, e kupton se jo gjithçka varet nga ai. Kjo pasi dëmtimet e kanë rënduar shumë karrierën e sulmuesit suedez të Milanit në vitet e fundit.
Edhe pse ka vuajtur shumë në të kaluarën nga lëndimi, i fundit që ka pësuar duket se është më i keqi. Sipas “Sky Italia”, problemi që e mundon lojtarin është gjuri. Dëmtimi është aq i rëndë sa Ibrahimovic stërvitet me ekipin vetëm një ditë në javë, pra një ditë para ndeshjes, ndërsa pjesa tjetër është stërvitje individuale. Përveç kësaj, lëndimi i tij nuk e lejon atë të luajë më shumë se dhjetë minuta për ndeshje.
Për t'u rikthyer në normalitet, 40-vjeccari do të duhet t'i nënshtrohet një operacioni në verë, diçka që mund ta dertyrojë atë të tërhiqet nga futbolli i luajtur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
