Me çeljen e merkatos Barcelona do të kërkojë të rikthejë faqen . ‘’ Blaugranët ‘’ mendojnë të bëjnë një revolucion dhe të shëndërrohen në skuadrën e disa viteve më parë që trembte çdo kundërshtar . Motivet ekonomike dhe sportive nuk i lënë shteg tjetër presidencës veçse ta bëjë fakt një gjë të tillë për të shpëtuar nga makthi që nuk po i le të qetë. Situata kaotike e kuq e bluve që nuk kanë gjetur suksesin me filozofinë e Ronald Koeman besohet se mund të ndryshohet me ndërhyrjet e verës . Për realizimin e këtij objektivi bëhet e detyrueshme shitja e disa komponentëve për të rigjeneruar financat dhe të hidhen në sulm për objektivat . Kësaj historie nuk do ti shpëtojë as portieri Neto Murara që sipas Mundodeportivos do të jetë i pari që do të përshëndetet me ‘’ Camp Noun ‘’.
Barcelona është në pritje të ofertave në drejtim të brazilianit dhe shpreson se do ta zgjidhë shpejt këtë çështje . Sezonin e shkuar spanjollët evituan largimin e tij për arsye se nuk kishin një zëvëndësues për gjermanin Andre Ter Stegen por financat e limituara i detyrojnë të përshpejtojnë largimin e Neto Muraras nga Katalunja . Për gardianin nga Minas Gerais Barcelona i pagoi 30 milionë euro Valencias para dy sezonesh por ky i fundit nuk i ka plotësuar objektivat e ‘’ Los Cules ‘’ dhe për largimin e 31 vjeçarit do të kërkojnë 15-20 milionë euro.
Aktivizimi i reduktuar prej 11 ndeshjesh në këtë sezon është një motiv tundues për Barcelonën të cilës do duhet ti gjejë një kandidat Neto Muraras i cili ka shijuar një eksperiencë pozitive në të kaluarën sidomos tek Fiorentina ku ishte titullar i padiskutueshëm që i dha shansin për të provuar shijen e të luajturit tek Juventusi dhe Valencia .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
