Forcimi i mbrojtjes është çështja e momentit tek Barcelona . Dëmtimet konstante të Gerard Piques dhe Samuel Umtitit si dhe rendimenti i dobët i Clement Lenglet e bën të domsdoshme ndërhyrjen në merkato dhe objektivi i rradhës është Alessio Romagnoli. Pas Mathijs De Light , Kalidou Koulibaly dhe Pau Torres , italiani mbetet një opsion bindës për të riparuar prapvijën dhe të evitojnë çdo kundrakohë të mundshme gjatë sezonit. 26 vjeçari është shëndërruar në një lider absolut tek Milani por ‘’ Los Cules ‘’ do të këmbngulin deri në fund në lidhje me këtë tentativë. Por duhet të tregohen vigjilentë sepse pas derës është Manchester City me Manchester United që në çdo moment janë të gatshëm të përfitojnë nga ndonjë gabim dhe ti lënë ‘’ Blaugranët ‘’ me gisht në gojë .
Ishi i Sampdorias dhe Romës ka spikatur shumë me paraqitjet e tij duke patur një influencë të madhe në kualifikimin e Milanit për në Champions League por sipas Mundodeportivos Alessio Romagnoli mund të veprojë ashtu siç bëri portieri Gianluigi Donnarumma i cili iu bashkua Paris St Germain . Largimi i italianit nga ‘’ San Siro ‘’ pa dyshim do ti dobësonte shumë aspiratat e Milanit sidomos në kompeticionin e preferuar sepse e ka treguar ndër vite se është një ndër kockat më të forta për tu kapërdirë në linjën e mbrojtjes , por nevoja e katalanasve për të finalizuar etapën e errët është shumë e madhe , aspekt që e bën të domosdoshëm afrimin në ‘’ Camp Nou ‘’ të lojtarëve që kanë spikatur në klubet e tyre respektive .
Dështimet e shumta gjatë sezoneve të fundit i detyrojnë drejtuesit e Barcelonës të jenë pragmatistë gjatë merkatos sepse në të kundërt do të shkelmonin çdo sakrificë të bërë deri në këtë moment .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
