Armand Duka, i cili më 15 mars, u rizgjodh si president i FSHF, u shpreh se furtuna e madhe e krijuar për t’i marrë vendin e atij, e bënë më të fortë familjen e futbollit. Në emisionin “Skaner” në MCN TV, Duka tha se nuk kishte marrë kurrë mbështetjen e të gjithë klubeve të Superiores.
Në Asamblenë e djeshme, kanë munguar vetëm 6 delegatë, të cilët dihet se janë kryetarë bashkish dhe kishin urdhër politik për të mos qenë në Asamble. Futbolli ishte i gjithi aty. Unë nuk e mendoja se do të ishin kaq të bashkuar, nëse nuk do të ishte furtuna kaq e madhe. Furtuna i bashkoi njerëzit për të mbrojtur familjen e futbollit.
Nuk janë shumë të lumtur me Dukën, por investimet e tyre duan t’i mbrojnë ndaj çdo furtune. Kjo i detyroi për të qenë më të bashkuar. Nuk më ka ndodhur kurrë që e gjithë Superiorja të më mbështesë e gjitha. Dua të jetoj, nuk dua bust. Në çdo vend që shkoja më thoshin njerëzit që të mos dorëzohem.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
