Trajneri i Bayern Munich, Julian Nagelsmann shijoi suksesin e parë te skuadra e re, ku arriti të fitojë Superkupën e Gjermanisë. Pas ndeshjes së fituar ndaj Dortmund, trajneri i bavarezëve është shprehur se trofeu i përket më shumë Hansi Flick, pasi sipas tij ishte fryt i punës në sezonin e kaluar.
“U mbrojtëm shumë mirë, sidomos në pjesën e parë. E merituam realisht fitoren. Nuk është kurrë e thjeshtë të përballesh me Dortmundin, ata janë të shkëlqyer në sulm.
Jam shumë i lumtur për këtë fitore dhe trofeun tim të parë me Bayernin. Komplimente skuadrës, Superkupa është fryt i punës së zhvilluar sezonin e kaluar.
Kështu që ky trofe i përket edhe Hansi Flick, skuadrën dhe gjithë tifozëve tanë. Sigurisht që ky sukses i përket më shumë Flick-ut se sa mua“, deklaroi Nagelsmann.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
