Pas tërheqjes për një kohë të shkurtër nga pankina, Claudio Ranieri ka vendosur të rikthehet përsëri.
Italiani do të zhvillojë një tjetër eksperiencë nën drejtimin e Romës, ekip i cili po has shumë vështirësi në këtë fazë të parë të sezonit.
Momentalisht kryeqytetasit janë në krizë, e cila reflektohet me renditjen në vendin e 12-të pas 12 sfidash në Serinë A.
Gjithashtu edhe në Europa League, ish fituesit e Conference Leagues nuk po munden ta ngrejnë kokën këtë sezon, në një format ndryshe.
73 vjeçari do të ketë një sfidë jo të lehtë, një simbol i këtij klubi. Drejtuesit tentuan edhe për Vincenzo Montellan por nuk patën sukses duke qenë se vijon nën drejtimin e Turqisë, lajm i raportuar nga ‘ As ‘.
Megjithatë, eksperienca e gjatë në ligat më të famshme të Europës dhe titujt e fituar sigurisht do ti shërbejnë Claudio Ranierit për të avancuar, me një ekip ku presioni është shumë i madh, të cilin njëkohësisht e njeh mjaft mirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
