Tashmë është zyrtare, Christian Romero është lojtari më i ri i Tottenham. Marrëveshja ishte arritur prej kohësh, por vetëm ditën e sotme ka ardhur zyrtarizimi.
Mbrojtësi ka firmosur një kontratë e cila do e mbajë të lidhur me klubin anglez deri më 30 qershor 2026. Në arkat e Atalantës, që kishte dhe lojtarin, do të paguhen 55 milionë euro. Mbrojtësi argjentinas ishte një dëshirë e drejtorit të Tottenham, Fabio Paratici, i cili e njeh mirë, pasi më parë e kishte transferuar edhe te Juventusi.
Atalanta e ka zëvendësuar Romeron me Merih Demiral, i cili u prezantua ditën e sotme te bergamaskët, ku erdhi nga Juventusi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
