Dyshimet mbi rinovimin e kontratës me Real Madridin , e kanë shëndërruar në një element të rëndësishëm në merkato Nacho Fernandezin.
Sipas ‘ Fichajes ‘ , për mbrojtësin ka treguar interes Interi duke qenë se Milan Skriniar do të largohet nga ‘’ Giusseppe Meazza ‘’ në përfundimin e sezonit .
Kërkesat e 33 vjeçarit sipas ‘ Sport ‘ konsiderohen të tepërta nga drejtuesit e ‘’ Galaktikëve ‘’ , ndërsa ‘ Defensa Central ‘ ka konfirmuar se Nacho Fernandez tanimë e ka refuzuar ofertën e ‘’ Merengues ‘’, e cila konsiston në zgjatjen e kontratës edhe për një sezon tjetër , ekzaktësisht deri në 30 qershorin e 2024-tës kundrejt të njëjtit përfitim.
Interesi i zikaltërve konsiderohet një shpëtim për lojtarin nga Alcala de Henares, të cilin Simone Inzaghi e shikon si zëvëndësuesin ideal të sllovakut , i cili me shumë gjasa do të transferohet tek Paris St Germain gjatë merkatos së verës.
Ishi i Sampdorias prej sezonesh tashmë konsiderohet një ndër më të mirët jo vetëm tek Interi por edhe në kontinentin e vjetër dhe pritej interesi i ekipeve të elitës për shërbimet e tij .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
