Trajneri i Juventusit, Massimiliano Allegri, zbuloi në një intervistë të dhënë së fundmi se është shumë afër firmës me Real Madrid. Tekniku italian tregoi edhe bisedën me presidentin Florentino Perez, kur i tregoi se kishte zgjedhur rikthimin te Juventusi.
Allegri tha se është krenar për karrierën e tij, duke shtuar më tej se Realin e ka refuzuar dy herë.
E kam thënë dhe e përsëris, këtë vit isha shumë pranë firmosjes me Real Madridin. Në mëngjesin e ditës që do të firmosnim telefonova Presidentin e Realit dhe i thash që zgjodha Juventusin. Ai më falënderoi. Që në momentin Juventus më kontaktoi në maj nuk kisha asnjë dyshim.
Nga ana profesionale do të ishte një arritje e madhe, sigurisht të drejtosh Milan, Juventus e më pas Realin, por në jetë nuk mund të kesh gjithçka gjithmonë dhe jam shumë i lumtur dhe krenar që kam drejtuar për vite Milanin dhe tani u bënë gjashtë vite në një klub si Juventus. Te Reali kam thënë jo dy herë. Hera e parë ishte kur rinovova me Juven. I thash Presidentit të Realit që i kisha dhënë fjalën Andrea Angellit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
