Drejtuesit e Real Madridit janë të vetëdijshëm se merkatoja e verës do të jetë përcaktuese për ti gjetur një shoqërues Karim Benzemas , i cili nuk e ka patur mbështetjen e duhur gjatë sezonit.
Duke qenë se Endrick do të mbërrijë në ‘’ Santiago Bernabeu ‘’ në verën e 2024-tës , një ndër emrat më të lakuar në kampin kryeqytetas vijon të jetë ai i Harry Kane.
Për bomberin anglez tratativat e ‘’ Galaktikëve ‘’ janë të ditura prej vitesh dhe duke qenë se kontrata e ‘’ Uraganit ‘’ me Tottenham Hotspurin skadon në 30 qershorin e 2024-tës , për anglezët kjo periudhë do të jetë shumë e rëndësishme për të evituar largimin e golashënuesit me parametër zero.
Flitet se akordi mund të arrijë deri në 70 milionë euro dhe për spanjollët do të ishte një hap shumë i suksesshëm duke qenë se 29 vjeçari vijon të jetë një ndër më të mirët në qarkullim.
Sezoni aktual është i dhjeti në ‘’ White Hart Lane ‘’ dhe në 434 sfidat e zhvilluara ishi i Leicester City-t numëron 278 gola dhe 64 asiste.
Ndoshta kjo verë do ti japë fund eksperiencës tek ‘’ Gjelat e Londrës ‘’ duke qenë se pas dere janë ‘’ Los Merengues ‘’ , të cilët bashkjetojnë me trofetë në çdo sezon dhe objektivi kryesor i Harry Kanes është pikërisht suksesi në aspektin kolektiv.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
