Eshtë e qartë që një ndër prioritetet e Atletico Madridit për sezonin vijues do të jetë fuqizimi i ofensivës . Diego Simeone nuk është bindur me ecurinë e të besuarve të tij deri në këtë momente dhe ndërhyrjet konsiderohen të domosdoshme për ‘’ Los Colchoneros ‘’.
Patrick Schick i Bayer Leverkusen po ndiqet me kujdes nga drejtori sportiv Andrea Berta i cili e ka përfshirë menjëherë në listen e merkatos . Sulmuesi i lindur në Pragë ka demostruar një potencial të jashtëzakonshëm në ofensivën e ‘’ Aspirinave ‘’ duke i ardhur në ndihmë me 16 realizime në 17 ndeshjet e këtij sezoni.
Kjo statistikë konceptohet si një rekord më vete për gjermanët të cilët sigurisht parashikohet se do ta kundërshtojnë kategorikisht largimin e perlës së metrave të fundit pavarësisht se Atletico Madridi është një ekip që vlerësohet nga çdo lojtar i niveleve të tilla .
Largimi i mundshëm i 25 vjeçarit nga ‘’ BayArena ‘’ do të vinte seriozisht në rrezik produktivitetin e Bayer Leverkusen pavarësisht se në luftë janë ekipe që entuziazmojnë çdokënd si Juventus , Manchester City dhe Borussia Dortmundi.
Kalimi nga Roma në Bundesligë në merkaton verore të 2020- tës tashmë mund të cilësohet një hap i qëlluar në shenjë nga Patrick Schick i cili ka treguar se mund të adaptohet në çdo kampionat.
Pavarësisht se është një destinacion shumë interesant, parashikohet se ishi i Sampdorias nuk do ta ndalojë ecurinë e mrekullueshme në një skuadër ku mund të arrijë objektivat pa problem sepse njëkohësisht do të ndërpriste një ndër momentet më të bukur të karrierës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
